Angliyaning “Sautgempton” bosh murabbiyi Maurisio Pellegrino “Arsenal” yarim himoyachisi Teo Uolkott bilan muzokara olib borilayotganini  tasdiqladi.

“Bu ishni muhokama qilyapmiz. Teo yaxshi futbolchi, bunday darajadagi futbolchi bilan shartnoma imzolash murakkab vazifalardan biri. Chunki Teo bizdan ko‘ra kuchliroq klubni tanlashi mumkin. Hozircha bu haqda aniq bir narsa deya olmayman”, - dedi Pellegrino.

Ma’lumot uchun, 28 yoshli futbolchi “Sautgempton” tarbiyalanuvchisi hisoblanadi. Asosiy jamoada birinchi debyutini 16 yoshida nishonlagan. Teo 2006 yildan beri “Arsenal” safida o‘ynaydi.