Англиянинг “Саутгемптон” бош мураббийи Маурисио Пеллегрино “Арсенал” ярим ҳимоячиси Тео Уолкотт билан музокара олиб борилаётганини тасдиқлади.
“Бу ишни муҳокама қиляпмиз. Тео яхши футболчи, бундай даражадаги футболчи билан шартнома имзолаш мураккаб вазифалардан бири. Чунки Тео биздан кўра кучлироқ клубни танлаши мумкин. Ҳозирча бу ҳақда аниқ бир нарса дея олмайман”, - деди Пеллегрино.
Маълумот учун, 28 ёшли футболчи “Саутгемптон” тарбияланувчиси ҳисобланади. Асосий жамоада биринчи дебютини 16 ёшида нишонлаган. Тео 2006 йилдан бери “Арсенал” сафида ўйнайди.
