Ma’lumki, 5 yanvar kuni O‘zbekiston Futbol Federasiyasi prezidenti Umid Ahmadjonov futbol uchun yaratilgan shart sharoitlar bilan tanishish maqsadida Jizzax viloyatiga tashrif buyurgan edilar.
Tashrifi davomida «So‘g‘diyona» akademiyasi tarbiyalanuvchilari ,futzal, ayollar jamoari uchun yaratilgan sharoitlarni o‘rgandilar. O‘zbekiston Futbol Federasiyasining prezidenti ayollar jamoasi futbolchilari bilan suhbati davomida futbol rivoji uchun har qanday yordamga tayyor ekanliklarini aytib o‘tgandi.
Bugun «So‘g‘diyona» ayollar jamoasi O‘zbekiston Futbol Federasiyasi prezidenti Umid Ahmadjonov tomonidan maxsus sovg‘a qabul qilishdi. Umid Ahmadjonov ayollar jamoasiga mashg‘ulotlar va kundalik kiyish uchun yuqori sifatli sport kiyimlari sovg‘a qildi.
-«So‘g‘diyona» ayollar jamoasi barcha futbolchilari va murabbiylari bugun juda xursand-deya gap boshladi «So‘g‘diyona» ayollar jamoasi bosh murabbiyi Gulnora Azamova. Jamoamiz barcha futbolchi qizlari nomidan Umid Ahmadjonovga chin yurakdan minnatdorchilik bildiramiz. Bizga shu darajada e’tibor uchun tashakkur izhor etamiz. Bunga javoban biz ham musoboqalarda munosib ishtirok etib, mamlakatimiz futbolini yanada yuqori o‘rinlarga olib chiqishga harakat qilamiz. Umid Ahmadjonovga mamlakatimiz futbolini rivojlantirish yo‘lida amalga oshirayotgan ishlarida muvofaqqiyat va zafarlar tilaymiz -deydi «So‘g‘diyona» ayollar jamoasi bosh murabbiyi Gulnora Azamova.
«So‘g‘diyona» matbuot xizmati