Argentinaning “Boka Xuniors” klubi hujumchisi Karlos Teves kelajakdagi rejalari haqida o‘z fikrlarini bildirib o‘tdi.
“Futbolni yakunlashimga oz fursat qoldi. Agar JCHda qatnashsam, juda ajoyib ish bo‘lardi. Bu menga bo‘lgan hurmat belgisini anglatardi. Libertadores kubogida o‘ynash murakkab vazifa ekanligini bilamiz. Bu jamoaga yettinchi sovrinni qo‘lga kiritishi uchun bor kuchimni berib harakat qilishga so‘z beraman”, - dedi Teves.
Eslatib o‘tamiz, 33 yoshli futbolchi Xitoyning “Shanxay Shenxua” jamoasi bilan shartnomani bekor qilib, o‘z vataniga qaytgandi. Karlos Xitoy klubida yiliga 38 million yevro maosh olardi va uning shartnomasi 2019 yilgacha mo‘ljalangan edi.
