«Arsenal» bosh murabbiyi Arsen Venger Angliya liga kubogi yarim finali doirasidagi «Chelsi»ga qarshi bahs (0:0)dan so‘ng o‘z fikrlari bilan o‘rtoqlashdi.
«Bu o‘yinda jamoam qanchalik birlashganini his etdim. «Chelsi» darvozamiz oldida juda ko‘p vaziyat yatardi, ammo gol urishlariga yo‘l qo‘ymadik.
Futbolchilarimda jamoaviy ruh kuchli. Bunday o‘yinlarda asosan himoyadan o‘ynash kerak. Ammo vaziyat bo‘lishi bilan gol urishga intildik. Bizda ham bir-nechta yaxshigina vaziyatlar yuzaga keldi.
Menimcha, bahsli vaziyalar juda ko‘p vaqt oldi.
Hozir bizda 5 nafar jiddiy jarohat olgan futbolchilar bor. Remsining tezroq safga qaytishi yarim himoyadagi muammolarimizni bartaraf etishiga umid qilaman» - deydi «kanonirlar» ustozi.
