Londonning “Tottenxem” klubi hujumchisi Xarri Keyn “Everton”ga qarshi uchrashuv (4:0) da dubl muallifiga aylandi.
24 yoshli forvard mazkur dubli bilan “Tottenxem” tarkibida APLdagi 97-va 98-gollarini urdi. Keyn bu borada Teddi Sheringemni ortda qoldirib, London klubining APL tarixidagi (1992 yildan beri) yagona to‘purariga aylanib oldi.
Keynning hisobida jami 191 ta o‘yinda 127 ta gol bor. Shuningdek, Keyn “shporlar” tarkibida to‘p surgan futbolchilar orasida 9-o‘ringa ko‘tarilib, Alan Gilzin (8-o‘rin) dan 6 kam gol urdi. Ushbu ro‘yxatda Jimmi Grivz peshqadam. 379 o‘yin 266 ta gol.
Bundan tashqari, Keyn APLning joriy mavsumida 20 ta gol urgan ilk futbolchiga aylandi. Keyn bu ishni Muhammad Saloh (“Liverpul”, 17 gol), Rahim Sterling va Serxio Aguero (ikkisi – “Manchester Siti”, 14 va 13 gol) lardan oldinroq bajardi.
%20da%20dubl%20muallifiga%20aylandi.&image=%2Fimages%2Fnews%2Fkeyn113.jpg&noparse=true){kind=link}