"Paxtakor" FK prezidenti Bobur Shodiyev Idgay Tazetdinov tavallud topganining 85 yilligi munosabati bilan uning bevasi Alla Tazetdinovani tabrikladi.

"Paxtakor"ning sobiq futbolchisi va murabbiyi Idgay Tazetdinov tug‘ilganiga 13 yanvar kuni 85 yil to‘lgani haqida ma’lumot taqdim etgandik. Klub shakllanishida katta xizmat ko‘rsatgan Tazetdinovning xotirasini yod etgan holda "Paxtakor" FK prezidenti Bobur Shodiyev Idgay Borisovichning bevasi Alla Tazetdinovaga gul va esdalik sovg‘asini taqdim etdi. Bobur Kabulovich "Paxtakor"ning turli yillardagi munosib ishtirokida Idgay Tazetdinovning hissasi katta bo‘lgani va klub buni doimo esda tutishini ta’kidladi.