Yarim himoyachi Aleksis Sanchesning “Arsenal”dan ketish haqidagi to‘liq ma’lumotlar oydinlashdi.

Goal.com nashrining xabariga ko‘ra, “Manchester Siti” endi chililik futbolchi uchun boshqa da’vogarlarik qilmaydi. Bu qarorni “shaharliklar” bosh murabbiyi Pep Gvardiola qabul qilgan.

Ma’lumotlarga ko‘ra, “Siti” Sanchesning agenti “Manchester Yunayted” bilan muzokara olib borganidan xabar topgan va Aleksisni sotib olish fikridan voz kechgan. Aslida Sanchesning agenti “Siti” tomonidan ko‘proq maosh taklif bo‘lishini kutgandi.

The Independent nashrining xabariga ko‘ra, “Yunayted” Sanches transferini mana shu haftaning o‘zida rasmiylashtirishi kutilmoqda. Futbolchining “MYU”dagi maoshi haftasiga 400 ming funtni tashkil etadi va yiliga 21 million funtga yetib boradi.