“Arsenal” klubi bosh murabbiyi Arsen Venger mavsum yakunida erkin agentga aylanadigan Aleksis Sanches atrofida bo‘lib o‘tayotgan voqealarga munosabatini bildirdi.

Eslatib o‘tamiz, Sanches “Bornmut”ga qarshi uchrashuv (1:2) ni o‘tkazib yubordi va yaqin kunlarda “Manchester Yunayted”yoki “Manchester Siti”ga o‘tishi kutilmoqda.

“Barchasi 48 soat ichida hal bo‘ladi. Unga hozirgi vaqtda og‘ir. Agar Sanches ketsa, uning o‘rniga boshqa futbolchi topishimiz kerak bo‘ladi. “Bornmut”ga qarshi o‘yinda bizga ayrim futbolchilar yetishmadi.

Bilmayman, u ketadimi yoki yo‘q. Transferlar bozori ochiq va biz bu mavsumda jamoada qolishni istaganlarni saqlashga harakat qilamiz. Aleksis o‘ynashi mumkin edi, ammo aytganimdek, u qiyin vaziyatda turibdi. Sanches avval “Arsenal”ga sodiq futbolchi edi.

Aleksis kecha ketishi mumkin edi, shuning uchun uni qaydnomaga kiritmadim”, – dedi Venger.