“Арсенал” клуби бош мураббийи Арсен Венгер мавсум якунида эркин агентга айланадиган Алексис Санчес атрофида бўлиб ўтаётган воқеаларга муносабатини билдирди.

Эслатиб ўтамиз, Санчес “Борнмут”га қарши учрашув (1:2) ни ўтказиб юборди ва яқин кунларда “Манчестер Юнайтед”ёки “Манчестер Сити”га ўтиши кутилмоқда.

“Барчаси 48 соат ичида ҳал бўлади. Унга ҳозирги вақтда оғир. Агар Санчес кетса, унинг ўрнига бошқа футболчи топишимиз керак бўлади. “Борнмут”га қарши ўйинда бизга айрим футболчилар етишмади.

Билмайман, у кетадими ёки йўқ. Трансферлар бозори очиқ ва биз бу мавсумда жамоада қолишни истаганларни сақлашга ҳаракат қиламиз. Алексис ўйнаши мумкин эди, аммо айтганимдек, у қийин вазиятда турибди. Санчес аввал “Арсенал”га содиқ футболчи эди.

Алексис кеча кетиши мумкин эди, шунинг учун уни қайдномага киритмадим”, – деди Венгер.