Xitoyda davom etayotgan Osiyo chempionatida O‘zbekiston Olimpiya terma jamoasi o‘z tarixida birinchi marta chorak finalga chiqqani haqida xabar qilgandik.
Terma jamoamizning chorak finaldagi raqibi ma’lum bo‘ldi. "B" guruhida yakuniga yetgan 3-tur o‘yinida Yaponiya KXDR terma jamoasini 3:1 hisobida mag‘lubiyatga uchratdi va 9 ochko jamg‘argan holda guruhda birinchi o‘rinni qo‘lga kiritdi.
19 yanvar kuni Osiyo chempionati chorak finalida O‘zbekiston Olimpiya terma jamoasi "A" guruhining 2-o‘rindagi jamoasi sifatida Yaponiyaga qarshi bahs olib boradigan bo‘ldi. Uchrashuv Toshkent vaqti bilan soat 13:00da boshlanadi.
Eslatib o‘tamiz, 2017 yilning dekabr oyida Taylandda bo‘lib o‘tgan Xalqaro musobaqa finalida Ravshan Haydarov shogirdlari aynan mana shu Yaponiya terma jamoasiga qarshi bahs olib borib, asosiy vaqtda 2:2 hisobida durang qayd etishgandi. Penaltilar seriyasida esa O‘zbekiston terma jamoasi darvozaboni ishonchli o‘yin namoyish qilib, vakillarimiz Xalqaro musobaqa g‘olibiga aylanishgandi.
