Angliya kubokining 3-raundidan o‘rin olgan “Lester” — “Flitvud” jamoalari o‘rtasidagi uchrashuv (2:0) da VAR (hakamning videoassistenti) tizimi ishlatildi.
O‘yinning 77-daqiqasiada mezbonlar hujumchisi Kelechi Ixeanacho uchrashuvdagi ikkinchi golini urdi. Ammo yon hakam nigeriyalik futbolchi offsaydda qolib ketganini ko‘rsatadi va gol inobatga olinmaydi.
Biroq o‘yinni boshqarayotgan bosh hakam Jonatan Moss mazkur vaziyatda videoassistentlariga murojaat qiladi va gol toza ekanligi, Ixeanacho offsayda emasligini eshtib golni inobatga oladi.
Shunday qilib, mazkur gol Angliya futbolida videotakror tizimi orqali aniqlangan ilk gol sifatida qayd etildi.
