Англия кубокининг 3-раундидан ўрин олган “Лестер” — “Флитвуд” жамоалари ўртасидаги учрашув (2:0) да VAR (ҳакамнинг видеоассистенти) тизими ишлатилди.
Ўйиннинг 77-дақиқасиада мезбонлар ҳужумчиси Келечи Ихеаначо учрашувдаги иккинчи голини урди. Аммо ён ҳакам нигериялик футболчи оффсайдда қолиб кетганини кўрсатади ва гол инобатга олинмайди.
Бироқ ўйинни бошқараётган бош ҳакам Жонатан Мосс мазкур вазиятда видеоассистентларига мурожаат қилади ва гол тоза эканлиги, Ихеаначо оффсайда эмаслигини эштиб голни инобатга олади.
Шундай қилиб, мазкур гол Англия футболида видеотакрор тизими орқали аниқланган илк гол сифатида қайд этилди.
