UYEFA tashkiloti Yevropa klublarining futbolchilar maoshlariga sarflaydigan pullariga qarab, yangi reytingni taqdim etdi.
Mazkur ro‘yxatda “Barselona” yetakchilikni qo‘lga olgan bo‘lib, Kataloniya jamoasi bir yilda futbolchilar maoshiga 372 mln yevro sarflaydi. “Barselona”ning ushbu ko‘rsatkichi o‘tgan yilgidan ko‘ra, 9 foizga ko‘paygan. “Barselona” boshqa klublarga nisbatan 5,2 marta ko‘p pul sarflaydi.
Ikkinchi o‘rinda “Manchester Yunayted” (321 mln yevro) bo‘lsa, Madridning “Real” klubi (307 mln yevro) kuchli uchlikni yakunlab berdi. Etiborlisi shundaki, ro‘yxatning kuchli o‘nligidan APLning besh jamoasi o‘rin egallagan. Top-20talikda Angliyadan 9 ta klub joy egallagan bo‘lib, chempionshipda ishtirok etuvchi “Aston Villa” 19-o‘rinni egallagan.
