УЕФА ташкилоти Европа клубларининг футболчилар маошларига сарфлайдиган пулларига қараб, янги рейтингни тақдим этди.

Мазкур рўйхатда “Барселона” етакчиликни қўлга олган бўлиб, Каталония жамоаси бир йилда футболчилар маошига 372 млн евро сарфлайди. “Барселона”нинг ушбу кўрсаткичи ўтган йилгидан кўра, 9 фоизга кўпайган. “Барселона” бошқа клубларга нисбатан 5,2 марта кўп пул сарфлайди.

Иккинчи ўринда “Манчестер Юнайтед” (321 млн евро) бўлса, Мадриднинг “Реал” клуби (307 млн евро) кучли учликни якунлаб берди. Этиборлиси шундаки, рўйхатнинг кучли ўнлигидан АПЛнинг беш жамоаси ўрин эгаллаган. Топ-20таликда Англиядан 9 та клуб жой эгаллаган бўлиб, чемпионшипда иштирок этувчи “Астон Вилла” 19-ўринни эгаллаган.