Mana, 2017 yil bilan ham xayrlashdik. Oxirgi 12 oy davomida futbol olamida ham bir qator yorqin voqealar kuzatildi.

Butun jahondagi muxlislar goh katta g‘alabalardan sarmast bo‘lishdi, ba’zida og‘riqli mag‘lubiyatlar alamiga duch kelishdi.

Shuningdek, ayrim fanatlarning yil davomida sevimli futbolchilari bilan ma’yus holda xayrlashishlariga to‘g‘ri keldi. Bunisi endi hayot qonuni, tabiiy jarayon.

Xullas, quyidagi fotojamlanma 2017 yili katta futboldan chetga chiqqan sara yulduzlarning ashaddiy muxlislariga bag‘ishlanadi.

KAKA (Braziliya) - 35 yosh. Oxirgi klubi - «Orlando Siti».

Qisqacha ta’rif - «O‘zga sayyoralik»lar (Lionel Messi va Krishtianu Ronaldu) davri boshlanishidan oldin «Oltin to‘p» sovriniga ega chiqqan Yerning oxirgi vakili».

Andrea PIRLO (Italiya) - 38 yosh. Oxirgi klubi - «Nyu-York Siti».

Qisqacha ta’rif - «Maestro! To‘p uzatishni san’at darajasiga olib chiqqan maestro!»

Skott PARKER (Angliya) - 36 yosh. Oxirgi klubi - «Fulxem».

Qisqacha ta’rif - «APLda Londonning 5ta klubi - «Charlton», «Chelsi», «Vest Xem», «Tottenxem» va «Fulxem»da o‘ynagan yagona futbolchi. 2010 yili «Vest Xem» mavsumni oxirgi o‘rinda tugatganiga qaramay, jurnalistlar uni APLning eng yaxshi futbolchisi sifatida e’tirof etishgan».

Pol ROBINSON (Angliya) - 37 yosh. Oxirgi klubi - «Bernli».

Qisqacha ta’rif - «Lids» safida CHLda «Barselona» va «Real»ga qarshi o‘ynagan, «Tottenxem» uchun gol urgan, «Lids» hamda «Blekbern» bilan APLdan tushib ketgan, «Bernli» safida yana yuqoriga ko‘tarilgan darvozabon».

Alvaro ARBELOA (Ispaniya) - 34 yosh. Oxirgi klubi - «Vest Xem».

DAVOMI

InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.