"Barselona" hujumchisi Lionel Messining fondi klub tomonidan noqonuniy pul o‘tkazmalari olganida gumon qilinmoqda.
Ispaniya soliq organlarining hujjatlariga ko‘ra, kataloniyaliklar 2010 dan 2013 yilgacha argentinalikning xayriya fondiga 7,5 million yevro atrofida pul o‘tkazgan, deya xabar beradi Der Spiegel .
Fond Messi, uning otasi va akasi Rodrigo tomonidagn 2007 yilda tashkil qilingan, ammo Barselonada 2013 yilda ro‘yxatdan o‘tgan. Shu tariqa, fond bu vaqtgacha xayriya mablag‘larini qabul qilishga huquqi bo‘lmagan.
Messining fondi ro‘yxatdan o‘tkazilmaguncha, u o‘ziga va kreditorlariga soliq imtiyozlari talab qilishga haqli emas. Ispaniyaliklar futbolchi shu tariqa klubini soliqlardan saqlab qolganlikda gumon qilishmoqda.
Messining akasi Rodrigoning aytishicha, fond har doim "qonunlarga amal qilib kelgan". Fond tashkil qilinganidan so‘ng olti yil o‘tib ro‘yxatdan o‘tgani - avvalgi konsultantlarning xatosi.
