«Yuventus» klubi himoyachisi Andrea Melani futbolchilik faoliyatini 19 yoshida yakunlashga majbur bo‘lmoqda. Bunga uning yuragidagi muammo sabab bo‘lgan.
Futbolchi ijara asosida D Seriyaning «Messese» klubiga o‘tishi kerak edi, ammo unda sog‘lig‘ida nuqson borligi aniqlangan.
«Bu kunni hech qachon unutmayman. Tibbiy ko‘rikda mening yuragimda muammo borligi tashhis qilindi. Shundan keyin yana bir necha ko‘riklardan o‘tdim, ammo o‘zgartirishning iloji yo‘q. Afsuski, endi futbol o‘ynay olmayman.
Buning quvonarli tomoni shundaki, bu kasallik mening oddiy hayot kechirishimga xavf tug‘dirmas ekan.
Men avvalambor klubga o‘z minnatdorchiligimni bildirmoqchiman. Hammasi uchun raxmat», - deb yozib qoldirgan Melani.
