«Ювентус» клуби ҳимоячиси Андреа Мелани футболчилик фаолиятини 19 ёшида якунлашга мажбур бўлмоқда. Бунга унинг юрагидаги муаммо сабаб бўлган.
Футболчи ижара асосида D Сериянинг «Мессесе» клубига ўтиши керак эди, аммо унда соғлиғида нуқсон борлиги аниқланган.
«Бу кунни ҳеч қачон унутмайман. Тиббий кўрикда менинг юрагимда муаммо борлиги ташҳис қилинди. Шундан кейин яна бир неча кўриклардан ўтдим, аммо ўзгартиришнинг иложи йўқ. Афсуски, энди футбол ўйнай олмайман.
Бунинг қувонарли томони шундаки, бу касаллик менинг оддий ҳаёт кечиришимга хавф туғдирмас экан.
Мен авваламбор клубга ўз миннатдорчилигимни билдирмоқчиман. Ҳаммаси учун рахмат», - деб ёзиб қолдирган Мелани.
