Londonning “Arsenal” klubi ikki yirik transfer xaridini amalga oshirish uchun katta qadam tashladi.
Goal.com nashrining xabariga ko‘ra, “Manchester Yunayted” yarim himoyachisi Geynrix Mxitaryan va Dortmundnnig “Borussiya” klubi hujumchisi Pyer-Emerik Obameyang London jamoasi bilan allaqachon kelishib bo‘lishgan.
“To‘pchilar”ning ishonchli manbasida yozilishcha ikki futbolchi yaqin kunlarda “Arsenal” futbolchisiga aylanadi.
Ta’kidlab o‘tish joizki, “Arsenal” kuni-kecha Mxitaryanning agenti Mino Rayola bilan mijozining maoshi bo‘yicha kelishib olgandi. Aleksis Sanchesning “MYU”ga o‘tishi bevosita Mxitaryan transferi bilan bog‘liq bo‘ladi. “Arsenal” Sanchesni sotish evaziga Mxitaryanni qo‘lga kiritadi.
Shuningdek, “Arsenal” Pyer-Emerik Obameyang uchun “Borussiya” talab qilayotgan 55 million funtni to‘lab beradi. Bundan tashqari Obameyang transferiga “Arsenal” hujumchisi Olivye Jiruning ham aloqasi bo‘lishi mumkin. Fransiyalik hujumchi o‘tgan yili “Borussiya”ga o‘tishi mumkin edi. Ammo Jiruning o‘zi rasmiy takliflarga qaramay, Londonda qolishni ma’qul ko‘rgandi.
