Лондоннинг “Арсенал” клуби икки йирик трансфер харидини амалга ошириш учун катта қадам ташлади.

Goal.com нашрининг хабарига кўра, “Манчестер Юнайтед” ярим ҳимоячиси Гейнрих Мхитарян ва Дортмунднниг “Боруссия” клуби ҳужумчиси Пьер-Эмерик Обамеянг Лондон жамоаси билан аллақачон келишиб бўлишган.

“Тўпчилар”нинг ишончли манбасида ёзилишча икки футболчи яқин кунларда “Арсенал” футболчисига айланади.

Таъкидлаб ўтиш жоизки, “Арсенал” куни-кеча Мхитаряннинг агенти Мино Райола билан мижозининг маоши бўйича келишиб олганди. Алексис Санчеснинг “МЮ”га ўтиши бевосита Мхитарян трансфери билан боғлиқ бўлади. “Арсенал” Санчесни сотиш эвазига Мхитарянни қўлга киритади.

Шунингдек, “Арсенал” Пьер-Эмерик Обамеянг учун “Боруссия” талаб қилаётган 55 миллион фунтни тўлаб беради. Бундан ташқари Обамеянг трансферига “Арсенал” ҳужумчиси Оливье Жирунинг ҳам алоқаси бўлиши мумкин. Франциялик ҳужумчи ўтган йили “Боруссия”га ўтиши мумкин эди. Аммо Жирунинг ўзи расмий таклифларга қарамай, Лондонда қолишни маъқул кўрганди.