23 yanvar kuni futbol bo‘yicha O‘zbekiston Olimpiya terma jamoasi Osiyo chempionati yarim finalida Janubiy Koreya termasiga qarshi maydonga tushadi. Futbolchilarimiz Xitoyda o‘tayotgan turnirda bu bosqichga yetib kelishlari uchun chorak finalda Yaponiya termasiga qarshi o‘yin o‘tkazib 4:0 g‘alabaga erishdi.
21 yanvar kuni O‘FFda Olimpiya terma jamoasida to‘p tepayotgan futbolchilarning ota-onalari, oila a’zolari hamda yaqinlari ja’m bo‘lishdi. Tadbir mobaynida Federasiya rahbariyati farzandlari Vatanparvar va irodali qilib tarbiyalaganlari uchun ota-onalarga minnatdorchilik bildirishdi. Shundan so‘ng, yig‘ilganlar bugun Xitoyda bo‘lib turgan futbolchilarimizga o‘z tilaklarini o‘ziga xos tarzda izhor qilishdi.
Eslatib o‘ttamiz, 23 yoshgacha bo‘lgan futbolchilar o‘rtasidagi Osiyo chempionati yarim finali doirasidagi O‘zbekiston – Janubiy Koreya uchrashuvi 23 yanvar kuni Toshkent vaqti bilan 16:30 boshlanadi.
