Toshkentdagi «Bunyodkor» akademiyasiga qarashli maydonda «Qo‘qon-1912» - «Buxoro» jamoalari o‘rtasidagi o‘rtoqlik uchrashuvi bo‘lib o‘tdi.
Uchrashuv vakillarimiz uchun omadsiz boshlandi. 3-daqiqada buxoroliklar hisobni ochishdi. O‘yindagi birinchi gol avtogoldan kiritildi. Murod Xolmuhammedov o‘z darvozasiga to‘p kiritib, qo‘ydi. Oradan uch daqiqa o‘tib esa Akobir To‘rayev buxoroliklarning ikkinchi goliga mualliflik qildi.
Shundan keyin har ikki jamoa vakillari shiddatli hujumlarni tashkil etishdi. Lekin birinchi bo‘lim yakuniga qadar hisob o‘zgarishsiz qoldi.
Ikkinchi bo‘lim ham xuddi birinchisi kabi murosasiz tarzda o‘tdi. 78-daqiqada Berdiyev-Merzlkov-Pardayev kombinasiyasidan so‘ng hisob qisqardi. Bahodir Pardayev o‘zining sobiq jamoasi darvozasini aniq nishonga oldi. Oradan hech qancha o‘tmay, Pardayev ikkinchi golini urishi mumkin edi. Yana o‘sha uchlik ijrosida ajoyib kombinasiya uyushtirildi. Pardayevning bosh bilan bergan zarbasiga bir necha sm aniqlik yetishmadi.
81-daqiqada esa darvozamizga penalti belgilandi. Bahriddin Vahobov penaltini aniq amalga oshirdi.
Uchrashuv yakunlanishi arafasida Davron Hoshimov “Buxoro” darvozasiga ikkinchi golni kiritdi.
So‘nggi daqiqalarda hakam Suhrob Berdiyevga ikkinchi sariq va qizil kartochkani ko‘rsatdi. Jamoamiz o‘yinni bir kishi kam bo‘lib tugatdi.
Aytgancha, mazkur bahhsda Doniyor Hasanov, Bahodir Akramovlar jaroxati bois maydonga tusha olishmadi. Javohir Sidiqov hamda Oybek Rustamovlar O‘zbekiston olimpiya terma jamoasi bilan Xitoyda ekanligini barchangiz ma’lum.
Shu tariqa, Toshkentdagi yig‘in mag‘lubiyat bilan intiho topdi.
Nazorat uchrashuvi
“Buxoro” - "Qo‘qon-1912" - 3:2 (0:2)
Bosh hakam: Muzaffar Fayzullayev
Gollar: Murod Xolmuhammedov 3 avtogol, Akobir To‘rayev 6, Bahriddin Vahobov 81 (pen). - Bahodir Pardayev 75, Davron Hoshimov 82.
Qo‘qon-1912: O‘tkir Yusupov, Quvondiq Ro‘ziyev, Jamshid Hasanov, Iqbol Malikjonov, Suhrob Berdiyev, Murod Holmuhammedov, Aleksandr Merzlyakov, Akmal Xolmurodov, Davron Hoshimov, Igor Taran, Nosir Otaqo‘ziyev.
“Buxoro”: Akmal Tursunbayev, Sanat Shixov, Artem Filiposyan, Shavkat Mullajonov, Sergey Ruseskiy, Robbim Xasanov, Salamat Qutibayev, Shavkat Salomov, Sardor Sulaymonov, Akobir To‘rayev, Shaxboz Erkinov.
Zaxira: Asilbek Amonov, Shoxijaxon Nasimov, Bobir Amonov, Toxir Shamshitdinov, Nozim Umurov, Firdavs Asadov, Baxriddin Vaxobov, Xurshid Olimov.
