Bungacha Farg‘onaning “Neftchi” jamoasida to‘p surgan umidli yarim himoyachi Abdujamol Isroilov, endi klubimiz sharafini himoya qiladi. Futbolchi bilan shartnoma imzolandi. Ayni vaqtda Abdujamol Isroilov O‘zbekiston U-23 jamoasi bilan Xitoyda o‘tayotgan Osiyo chempionatida ishtirok etmoqda.
A.Isroilov chempionatdan so‘ng jamoamiz tarkibiga kelib qo‘shiladi.
Abdujamol Isroilov haqida qisqacha ma’lumot:
Abdujamol Isroilov futbol sirlarini Farg‘ona viloyati Yozyovon tumanining Yozyovon futbol maktabi hamda “Paxtakor” futbol maktabida o‘rgangan.
2016 – yilgi futbol mavsumida Farg‘onaning “Neftchi” jamosi o‘rinbosarlari tarkibida to‘p surgan.
2017 – yilgi futbol mavsumining birinchi davrasida ijara asosida Samarqandning “ Dinamo” jamoasida, futbolchi ikkinchi davrani Farg‘onaning “Neftchi” jamoasi bilan tugatdi.
