Бунгача Фарғонанинг “Нефтчи” жамоасида тўп сурган умидли ярим ҳимоячи Абдужамол   Исроилов, энди клубимиз шарафини ҳимоя қилади. Футболчи билан шартнома имзоланди.  Айни вақтда Абдужамол Исроилов Ўзбекистон U-23 жамоаси билан Хитойда  ўтаётган Осиё чемпионатида иштирок этмоқда.

А.Исроилов чемпионатдан сўнг жамоамиз таркибига келиб қўшилади.

Абдужамол Исроилов ҳақида қисқача маълумот:

Абдужамол Исроилов футбол сирларини Фарғона вилояти Ёзёвон туманининг Ёзёвон футбол мактаби ҳамда “Пахтакор” футбол мактабида ўрганган.

2016 – йилги футбол мавсумида Фарғонанинг “Нефтчи” жамоси ўринбосарлари таркибида тўп сурган.

2017 – йилги футбол мавсумининг биринчи даврасида ижара асосида Самарқанднинг “ Динамо” жамоасида, футболчи иккинчи даврани Фарғонанинг “Нефтчи” жамоаси билан тугатди.