“Arsenal” yarim himoyachisi Geynrix Mxitaryan sobiq jamoasi “Manchester Yunayted” muxlislariga murojatnoma yo‘lladi.

“Manchester Yunayted” futbolchilari, xodimlari va asosan muxlislariga qo‘llab-quvvatlashganlari uchun chin dilimdan rahmat aytaman. “Qizil iblislar”ning Yevropa Ligasidagi g‘alabasiga hissa qo‘shganim uchun xursandman.

Men o‘sha final o‘yinini hech qachon yodimdan chiqarmayman. Shuningdek, Boksing Deydagi uchrashuvlarning birida “chayon” uslubida kiritilgan golim va “Whoa Mkhitaryan…” qo‘shig‘ini unutmaslikka va’da beraman.

Yana bir qancha yodda qolarli vaziyatlarni aytishim mumkmin, ularning barchasi men uchun qadrli onlar bo‘ldi. Faoliyatimning bu bosqichida shunchaki ko‘proq maydonga tushib, futboldan rohatlangim keldi.

Har biringizga rahmat va har biringizga omad tilayman. Hayot davom etadi”, — deya yozadi Mxitaryan Instagram’dagi sahifasiga.