“Арсенал” ярим ҳимоячиси Гейнрих Мхитарян собиқ жамоаси “Манчестер Юнайтед” мухлисларига мурожатнома йўллади.

“Манчестер Юнайтед” футболчилари, ходимлари ва асосан мухлисларига қўллаб-қувватлашганлари учун чин дилимдан раҳмат айтаман. “Қизил иблислар”нинг Европа Лигасидаги ғалабасига ҳисса қўшганим учун хурсандман.

Мен ўша финал ўйинини ҳеч қачон ёдимдан чиқармайман. Шунингдек, Боксинг Дэйдаги учрашувларнинг бирида “чаён” услубида киритилган голим ва “Whoa Mkhitaryan…” қўшиғини унутмасликка ваъда бераман.

Яна бир қанча ёдда қоларли вазиятларни айтишим мумкмин, уларнинг барчаси мен учун қадрли онлар бўлди. Фаолиятимнинг бу босқичида шунчаки кўпроқ майдонга тушиб, футболдан роҳатлангим келди.

Ҳар бирингизга раҳмат ва ҳар бирингизга омад тилайман. Ҳаёт давом этади”, — дея ёзади Мхитарян Instagram’даги саҳифасига.