Mazkur transfer oynasida bir nechta futbolchilarni xarid qilgan Kataloniyaning “Barselona” klubi o‘z navbatida futbolchilaridan ayrildi ham. Mazkur ayriliqlar orasida eng qayg‘ulisi, shak-shubhasiz, Xavyer Maskeranoning ketishi bo‘ldi. Gap bu yerda jamoaning kuchsizlanib qolgani haqida ketayotgani yo‘q. Maskeranoning o‘rnini bosa oladigan futbolchilar bor klubda. Gap futbolchining klub ramziga aylanib ulgurganida. Maskerano har tomonlama “Barselona”ning o‘ziga xos futbolchisi edi. Ammo axiyri argentinalik futbolchi Kataloniyani tark etdi.

HAMMASI QANDAY BOSHLANDI?

* 2015-2016 yillardagi mavsumda Maskerano La Liga doirasida 2694 daqiqa harakat qildi. 2016-2017 yillardagi mavsumda esa bu ko‘rsatkich 1916 daqiqagacha kamaydi. Shu bois o‘tgan yilning may oyida Maskerano “Barselona”dagi faoliyatin yakuniga yetayotganini tushundi. Xavyer raqobatda klubning yangi futbolchisi — Samyuel Yumtitiga yutqazdi.

* Maskeranoning “Barselona” bilan shartnomasi 2019 yilning yozigacha mo‘ljallangan bo‘lib, futbolchi yiliga 5,5 mln yevro maosh olardi. Futbolchining tovon puli 100 mln yevroga teng edi. Kataloniya klubi rahbariyati bu 33 yoshli futbolchi uchun ajoyib shartnoma deb hisoblardi.

* O‘tgan yilning noyabr oyi oxirida Maskerano “Barselona” rahbariyati bilan uchrashib, uni qishki transferlar vaqtidayoq qo‘yib yuborishlarini so‘radi. Biroq klub rahbariyati futbolchining iltimosini rad etdi va uning tajribasi “Barselona” uchun juda muhim ekanligini ta’kidladi. Maskerano esa mavsum davomida 12 ta o‘yinda o‘ynadi va jamoaning faqatgina to‘rtinchi markaziy himoyachisi hisoblanardi.

* Keyinchalik voqealar jarayoni tezlashib ketdi. Maskerano ommaviy axborot vositalari orqali nima uchun “Barselona” faoliyatini davom ettirish uchun eng yomon variantga aylanganini aytdi. davomi