Мазкур трансфер ойнасида бир нечта футболчиларни харид қилган Каталониянинг “Барселона” клуби ўз навбатида футболчиларидан айрилди ҳам. Мазкур айрилиқлар орасида энг қайғулиси, шак-шубҳасиз, Хавьер Маскеранонинг кетиши бўлди. Гап бу ерда жамоанинг кучсизланиб қолгани ҳақида кетаётгани йўқ. Маскеранонинг ўрнини боса оладиган футболчилар бор клубда. Гап футболчининг клуб рамзига айланиб улгурганида. Маскерано ҳар томонлама “Барселона”нинг ўзига хос футболчиси эди. Аммо ахийри аргентиналик футболчи Каталонияни тарк этди.
ҲАММАСИ ҚАНДАЙ БОШЛАНДИ?
* 2015-2016 йиллардаги мавсумда Маскерано Ла Лига доирасида 2694 дақиқа ҳаракат қилди. 2016-2017 йиллардаги мавсумда эса бу кўрсаткич 1916 дақиқагача камайди. Шу боис ўтган йилнинг май ойида Маскерано “Барселона”даги фаолиятин якунига етаётганини тушунди. Хавьер рақобатда клубнинг янги футболчиси — Самюэль Юмтитига ютқазди.
* Маскеранонинг “Барселона” билан шартномаси 2019 йилнинг ёзигача мўлжалланган бўлиб, футболчи йилига 5,5 млн евро маош оларди. Футболчининг товон пули 100 млн еврога тенг эди. Каталония клуби раҳбарияти бу 33 ёшли футболчи учун ажойиб шартнома деб ҳисобларди.
* Ўтган йилнинг ноябрь ойи охирида Маскерано “Барселона” раҳбарияти билан учрашиб, уни қишки трансферлар вақтидаёқ қўйиб юборишларини сўради. Бироқ клуб раҳбарияти футболчининг илтимосини рад этди ва унинг тажрибаси “Барселона” учун жуда муҳим эканлигини таъкидлади. Маскерано эса мавсум давомида 12 та ўйинда ўйнади ва жамоанинг фақатгина тўртинчи марказий ҳимоячиси ҳисобланарди.
* Кейинчалик воқеалар жараёни тезлашиб кетди. Маскерано оммавий ахборот воситалари орқали нима учун “Барселона” фаолиятини давом эттириш учун энг ёмон вариантга айланганини айтди. давоми
