“Yuventus” posboni Janluiji Buffon jamoada qolish borasida aniq bir qarorga kelmaganini aytdi.

“Tez orada prezident bilan uchrashaman va biz mening holatimni muhokama qilamiz. Jamoam uchun qulay qarorga kelishga harakat qilaman. Avval “Yuventus”ga yordam bera olamanmi, yo‘qmi, klub rahbariyati meni kerakli deb hisoblaydimi, yo‘qmi, shuni aniqlab olishim kerak. Jamoada qolishni istayman, ammo bu eng yaxshi qaror bo‘lmasligi mumkin. “Yuventus” uchun, jamoadoshlarim uchun ortiqcha muammo bo‘lishni xohlamayman. Yo “Yuventus”, yoki hech narsa”, dedi Buffon.