UYEFA prezidenti Aleksander Cheferin tashkilot bolalar futbolida bosh bilan o‘yinni taqiqlash varianti ustida ishlayotganini ma’lum qildi.

Agar bosh bilan o‘yin miya faoliyati ta’sir qilishi va kelajakda aqli ojizlikka olib kelishi isbotlansa taqiq kuchga kiradi.

"Albatta, bu masalani chuqur ko‘rib chiqish kerak. Agar tekshiruvlar buning zararini ko‘rsatsa, ayniqsa, bolalarga, bunga jiddiy yondoshamiz. Bu uda muhim.

Agar boshqa sport turlariga - boks yoki MMAga e’tibor bersak,ko‘rgan narsamizdan yomon ta’sirlanamiz. Bu ko‘p sport turlarining, jumladan, futbolning ham muammosi. Tekshiruv natijalarini sabrsizlik bilan kutaman", - deydi Cheferin.

2016 yilda AQSHda 11 yoshgacha bo‘lgan futbolchilarga bosh bilan o‘ynash taqiqlangan.