Toshkentning “Paxtakor” jamoasi bosh murabbiyi Shota Arveladze klubning OCHL saralashi doirasida “Al Garafa”ga qarshi o‘yinga tayyorgarlik haqida gapirdi.
“O‘tgan yig‘inlardan ko‘nglim to‘lmadi. Sababi, yigitlarning ko‘proq kuch sarflashini kutgandim. Ammo, energiyani saqlab qolish kerak.
“Al Garafa”ning o‘yinlarini taxlil qilib chiqdik. Ularga yangi bosh murabbiy tayinlandi. Shuningdek, Uesli Sneyder ham jamoaga qo‘shib olindi. Biroq bu g‘alabaga olib boruvchi yo‘l emas. Barchasi, 90, balkim, 120 daqiqada hal bo‘ladi.
30 yanvarda aqlli futbolni namoyish etishga harakat qilamiz, vaziyatga qarab o‘ynaymiz. Chunki bir o‘yin barchasini hal qilib beradi”, - deydi Arveladze.
