Тошкентнинг “Пахтакор” жамоаси бош мураббийи Шота Арвеладзе клубнинг ОЧЛ саралаши доирасида “Ал Гарафа”га қарши ўйинга тайёргарлик ҳақида гапирди.
“Ўтган йиғинлардан кўнглим тўлмади. Сабаби, йигитларнинг кўпроқ куч сарфлашини кутгандим. Аммо, энергияни сақлаб қолиш керак.
“Ал Гарафа”нинг ўйинларини тахлил қилиб чиқдик. Уларга янги бош мураббий тайинланди. Шунингдек, Уэсли Снейдер ҳам жамоага қўшиб олинди. Бироқ бу ғалабага олиб борувчи йўл эмас. Барчаси, 90, балким, 120 дақиқада ҳал бўлади.
30 январда ақлли футболни намойиш этишга ҳаракат қиламиз, вазиятга қараб ўйнаймиз. Чунки бир ўйин барчасини ҳал қилиб беради”, - дейди Арвеладзе.
