“Manchester Yunayted” hujumchisi Aleksis Sanches “Arsenal”dan ketgani uchun doping nazoratini o‘tkazib yuborgan, oqibatda futbolchini Londonda topa olmagan doping nazoratchilari Sanchesning Manchesterga ko‘chib o‘tgani haqida ogohlantirilmaganliklari uchun shikoyat qilishgandi. Mourinyo bu holatga munosabat bildirdi.
“O‘ylashimcha, “Arsenal” bu vaziyatda haqqoniy yo‘l tutgan. To‘g‘ri, “Arsenal” futbolchining qayerda ekanligi haqida doping nazoratchilariga ma’lumot berishi kerak edi, ammo aynan nazoratchilar keladigan vaqtda Sanchesning qayerda bo‘lishini hech kim bilmasdi, transferning qachon rasmiylashtirilishi ham noma’lum edi. Voqealar juda tez kechdi. Shuning uchun bu yerda hech kim aybdor emas”, dedi Joze.
