“Манчестер Юнайтед” ҳужумчиси Алексис Санчес “Арсенал”дан кетгани учун допинг назоратини ўтказиб юборган, оқибатда футболчини Лондонда топа олмаган допинг назоратчилари Санчеснинг Манчестерга кўчиб ўтгани ҳақида огоҳлантирилмаганликлари учун шикоят қилишганди. Моуриньо бу ҳолатга муносабат билдирди.

“Ўйлашимча, “Арсенал” бу вазиятда ҳаққоний йўл тутган. Тўғри, “Арсенал” футболчининг қаерда эканлиги ҳақида допинг назоратчиларига маълумот бериши керак эди, аммо айнан назоратчилар келадиган вақтда Санчеснинг қаерда бўлишини ҳеч ким билмасди, трансфернинг қачон расмийлаштирилиши ҳам номаълум эди. Воқеалар жуда тез кечди. Шунинг учун бу ерда ҳеч ким айбдор эмас”, деди Жозе.