Farg‘onada o‘tkazilayotgan “Viloyat hokim kubogi-2018” musobaqasining birinchi kuni ortda qoldi. Odatimizga ko‘ra, ushbu musobaqani batafsil yoritishga harakat qilamiz.
“A” guruhidagi uchalla uchrashuv ham shiddatli tarzda o‘tganini aytish joiz.
Nursiz durang
Birinchi o‘yinida Muborakning “Mash’al” jamoasi Farg‘onaning “Istiqlol” jamoasiga qarshi maydonga tushdi. Uchrashuvda hisob ochilmadi. Har ikki jamoa ham g‘alaba qozonish uchun bor mahoratlarini namoyish etishdi.
Aytgancha, ushbu bahsda “Istiqlol” tarkibida tajribali hujumchilardan biri Anvar Berdiyev harakat qilganini ta’kidlash joiz. “Mash’al” safida esa bir qator legionerlar maydonga tushishdi.
“Viloyat hokim kubogi-2018”
“A” guruhi
1-tur
“Istiqlol” – “Mash’al” – 0:0
“Istiqlol”: N. Ashurmatov, A. Madaliyev, A. Qurbonov, A. Jo‘raboyev, E. Akbarov, R. Abduhamidov, A. Fayzullayev, T. Sultonov, A. Rahimzoda, S. Asqaraliyev, H. Shokirov.
Zaxira: E. Isaboyev, B. Aminjonov, X. Xoliqov, Q. Muhammadjonov, SH. Boyqo‘ziyev, A. Xojimirzayev, A. Berdiyev.
“Mash’al”: B. Nosirov, J. Ubaydullayev, A. Shodmonov, M. Ubaydullayev, N. Pavlenko, D. Bashlay, A. Begimqulov, O. Barannik, A. Olimov, Z. To‘rayev, A. Inoyatov.
Zaxira: J. Ilyasov, SH. Qilichev, S. Abduraimov, S. Zokirov, M. Predm, SH. Ubaydullayev, J. Asani.
Markaziy o‘yindagi yagona gol
Musobaqaning markaziy o‘yini deb e’tirof etilgan ushbu uchrashuv muxlislar kutganidek shiddatli va keskin kurashlar ostida boshlandi. Ilk daqiqalardan har ikki jamoa a’zolari hujumga zo‘r berishdi.
“Neftchi” va “Qo‘qon-1912” bahsida yagona o‘yin taqdiri hal etdi. Davron Isaqov himoyachilar xatosidan so‘ng, uchrashuvda hisobni ochdi. Ushbu gol “Neftchi” vakillariga g‘alaba taqdim etdi.
Qo‘qonlik safida shu kuni serbiyalik legioner Nenad Lukich 60-daqiqada zaxiradan maydonga tushdi.
Farg‘onaliklar safida esa o‘tgan mavsumni “Qizilqum”da o‘tkazgan Ilhom Yunusov harakat qildi. U ham zaxiradan o‘yinga qo‘shildi.
“Viloyat hokim kubogi-2018”
“A” guruhi
1-tur
“Neftchi” – “Qo‘qon-1912” – 1:0 (0:0)
Hakamlar: T. To‘xtasinov, A. Marajabov, Z. Abdurahmonov.
Nazoratchi: F. Hasanov.
Gol: Davron Isaqov-75.
“Neftchi”: 35. Farrux Turdialiyev, 3. Shukur Po‘latov, 9. Temur Usmonov, 10. Abdulaziz Yusupov, 17. Sunatillo Ermatov, 20. Alisher Samatov, 44. Abror Ismoilov, 77. Islom Karimov, 85. Davron Mamatov, 88. Abbos Maxsitaliyev, 94. Iqbol Boboxonov.
Zaxira: 1. Akmal Ortiqov, 19. Avazbek O‘lmasaliyev, 21. Elyor Mamasoliyev, 23. Otabek Ahmadjonov, 33. Ilhom Yunusov, 34. Davron Isaqov, 70. Mirjalol Ne’matov.
“Qo‘qon-1912”: 21. Muzaffar Abdullayev, 4. Bahodir Akramov (70. Quvondiq Ro‘ziyev-60), 14. Doniyor Hasanov (7. Jamshid Hasanov-90), 18. Bahodir Pardayev (9. Nosir Otaqo‘ziyev-76), 19. Suhrob Berdiyev, 23. Aleksandr Merzlyakov, 27. Davron Hoshimov, 55. Darko Gojkovich (26. Akmal Xolmurodov-54), 77. Murod Xolmuhammedov, 96. Muhammadanas Hasanov (8. Sobir Hamidov-76), 99. Igor Taran (11. Nenad Lukich-60).
Zaxira: 1. O‘tkir Yusupov.
Quvasoyliklar g‘alabasi
“Sementchi” ham musobaqaning muvaffaqiyatli boshladi. Quvasoyliklar “O‘sh” jamoasidan 1:0 hisobida ustun kelishdi.
“Viloyat hokim kubogi-2018”
“A” guruhi
1-tur
“Sementchi” – “O‘sh” – 1:0
Mazkur guruhdagi ikkinchi tur o‘yinlari 30 yanvar kuni bo‘lib o‘tadi.
Bugun o‘yinbosarlarimiz o‘ynaydi
Bugun “B” va “S” guruhida birinchi tur o‘yinlari o‘tkaziladi. “S” guruhida ishtirok etayotgan Muhsin Nizomiddinov boshchiligidagi “Qo‘qon-1912” o‘rinbosarlari bugun O‘zbekiston tumanining “Turon” jamoasiga qarshi maydonga tushishadi. O‘yin soat 15:00da Farg‘ona davlat univetsitetiga qarashli sport majmuasida (FarDU stadioni) bo‘lib o‘tadi.
BUGUNGI O‘YINLAR ANONSI:
“B” guruhi taqvimi:
1-tur
29 yanvar (dushanba)
Yozyovon lochinlari – Toshloq Neftchi SK stadioni soat 11:00
Navbahor- O‘z Tong Kong Xo Neftchi SK stadioni soat 15:00
“S” guruhi taqvimi:
1-tur
29 yanvar (dushanba)
Zomin – Iftixor FarDu stadioni soat 11:00
Qo‘qon-1912 -2 – Turon FarDu stadioni soat 15:00
Abror Dehqonov
