Avval xabar berilganidek, shu yilning 1-11 fevral kunlari Xitoy Taypeyida futzal bo‘yicha Osiyo chempionati bo‘lib o‘tadi.

Bugun O‘zbekiston Milliy Olimpiya qo‘mitasida futzal terma jamoamizni nufuzli musobaqaga kuzatish marosimi bo‘lib o‘tdi va unda Milliy Olimpiya Qo‘mitasi Prezidenti, O‘zbekiston Futbol Assosiasiyasi 1-vise prezidenti Umid Ahmadjonov futzalichlarimizga Osiyo chempionatida zafar yor bo‘lishini tiladi.

Futzalchilarimiz bugun Islom Karimov nomidagi “Toshkent Xalqaro Aeroporti”dan  Xitoy Taypeyiga uchib ketishdi.

Futzal bo‘yicha O‘zbekiston terma jamoasi Osiyo chempionatining “V” guruhida Janubiy Koreya, Yaponiya, Tojikiston terma jamoalariga qarshi bahs olib boradi.

Guruhdagi o‘yinlar taqvimi bilan tanishing:

1 fevral soat 13:30* O‘zbekiston – Janubiy Koreya

3 fevral soat 13:30  Tojikiston – O‘zbekiston

5 fevral soat 13:30  O‘zbekiston  - Yaponiya

*Uchrashuvlar boshlanish vaqti Toshkent vaqti bilan ko‘rsatilgan.