“Nasaf” – “Al Faysali” (5:1) uchrashuvi yakunlangach, o‘yin yakunlariga bag‘ishlangan matbuot anjumani tashkil etildi. Matbuot anjumanining dastlabki qismida mehmon jamoa ustozi Neboysa Yovovich ishtirok etdi.

-Avvalom bor, bunaqa hisob bilan yakunlangan o‘yin haqida gapirish og‘ir. Bu hisobdagi mag‘lubiyat bizga qattiq zarba bo‘ldi. “Nasaf” bunday g‘alabaga haqli ravishda o‘yin namoyish etdi. “Nasaf”ni bu g‘alaba bilan tabriklayman.

Bugungi mag‘lubiyatimizga ob-havoni bahona qilish noo‘rin, chunki raqibimiz “Nasaf” ham biz bilan bir xil sharoitda to‘p tepdi. Endi darvozamizga kiritilgan gollarga to‘xtalsam, birinchi gol vaqtida kiritildi, bu raqibimiz foydasiga ishladi. Ikkinchi gol ham standartdan kiritildi, uchinchi gol fantastik darajada bo‘ldi. Qolgan gollarni o‘zlaringiz ko‘rdingiz. Har bir urilgan gol ajoyib bo‘ldi. Biz bunaqa yirik hisobda mag‘lub bo‘ladigan o‘yin ko‘rsatmadik, afsuski bu o‘yinimiz, hisobni bizning foydamizga o‘zgartira olmadi. Ammo yana bir marta ta’kidlayman, “Nasaf” haqli ravishda guruh bosqichi masalasini hal qildi.

Men bir-ikki o‘yinchini alohida ko‘rsatmagan bo‘lardim. Butun jamoa ajoyib o‘yin ko‘rsatdi. Bugun “Nasaf”ga Osiyo chempioni bo‘lgan futbolchilari ham yaqindan yordam berishdi. Bungacha Dragan Cheranning o‘yinidan ham xabardor edim.

“Nasaf” haqida avvaldan iliq fikrlar eshitganman. Bugun bunga o‘zim ham guvoh bo‘ldim. “Nasaf” klubiga rahbariyatiga, bizga nisbatan ko‘rsatgan hurmat va ehtiromi uchun kattadan-katta rahmatlar aytaman.