FIFA rasmiy sayti klublarning 2017 yilda amalga oshirgan transferlari borasidagi raqamlarni e’lon qildi.
Unga ko‘ra, o‘tgan yili klublar transferlar uchun 6,37 mlrd dollar sarflashgan. Bu rekord hisoblanib, 2016 yilgi ko‘rsatkichdan 32,7 foizga ko‘proqdir. Mazkur mablag‘ning 67 foizi eng kuchli 50 ta jamoa hissasiga to‘g‘ri keladi.
Bundan tashqari, 2017 yilda jami 15624 ta transfer amalga oshirilgan, bu 2016 yilgi ko‘rsatkichdan 6,8 foizga ko‘proq.
2017 yilning eng qimmat transferi Neymar hisoblanadi (“Barselona”dan “PSJ”ga 222 mln yevro evaziga).
