Hindistonda boks bo‘yicha "India Open" turniri bo‘lib o‘tmoqda. Ushbu musobaqada O‘zbekiston terma jamoasi a’zolari ham ishtirok etmoqdalar. Ikki kun oldin -91 kg vazn toifasidagi bokschimiz Sanjar Tursunov yarim final masalasini xal qilgandi. Kecha yana bir qator bokschilarimiz chorak final janglarini o‘tkazishdi.
To‘qnashuvlarda quyidagi natijalar qayd etildi:
-52kg: Xudoynazar Fayzov - Laldin Mavia (Hindiston) 3:2
-56kg: Abdulhay Shorahmatov - Lal Madan (Hindiston) 5:0
-60kg: Sherbek Rahmatullayev - Shiva Tapa (Hindiston) 2:3
-64kg: Iqboljon Xoldorov - Ashish (Hindiston) 4:1
-69kg: Bobousmon Boturov - Prasad Gale Bishnu (Nepal) 5:0
-75kg: Isroil Madrimov - Hamid Azizi (Afg‘oniston) (Madrimov nokaut evaziga g‘alaba qozondi)
+91kg: Laziz Mullajonov - Evans Agness Keddi (Seyshell) (Keddi nokaut evaziga g‘alaba qozondi)
+91kg: Bahodir Jalolov - Narender (Hindiston) 5:0
Bugun musobaqaning yarim final janglari o‘tkaziladi. Unda terma jamoamizning yetti nafar a’zosi ringga ko‘tariladi. Final yo‘llanmasi uchun jang qiladigan bokschilarimizga kim raqib bo‘lishi haqida birozdan so‘ng Milliy olimpiya qo‘mitasining rasmiy sayti orqali xabar qilinadi.
