Jamoa o‘z tarkibini mahoratli futbolchilar bilan to‘ldirishni davom ettirmoqda. Jamoa tarkibiga “Neftchi” jamoasidagi o‘yinlari bilan yaxshi tanish bo‘lgan Mansur Saidov va Sherzod Xakimovlar hozirda jamoa mashg‘ulotlarida ishtirok etishmoqda.
Shuningdek, o‘z vaqtida Ispaniyaning “Deportivo La-Korunya” jamoasida harakat qilgan va Azarbayjon, Rossiya klublarida ham faoliyat olib borgan, Rossiya yoshlar terma jamoasida to‘p surgan Arkadiy Galperen Aleksandr Mochinov boshchiligidagi mashg‘ulotlarda ishtirok etmoqda. U o‘tkazilgan ikki o‘rtoqlik uchrashuvida ham asosiy tarkibda maydonga tushdi. Galperenning harakatlari murabbiylarga ma’qul bo‘lsa bo‘lajak mavsumda jizzaxliklar safida boshlashi mumkin.
Eslatib o‘tamiz,yig‘in davomida navbatdagi o‘rtoqlik uchrashuvi 1 feral kuni “Buxoro”ga qarshi o‘tkaziladi. Bahs soat 11:00 da “Bunyodkor” akademiyasi maydonida bo‘lib o‘tadi.
“So‘g‘diyona” matbuot xizmati
