“Arsenal”ning yangi xaridi Pyer-Emerik Obameyang London klubi bilan shartnoma imzolagandan so‘ng o‘z fikrlari bilan o‘rtoqlashdi.
“Vanihoyat! Bu yerda ekanligimdan xursandman. Endilikda Mxitaryan bilan bir jamoadaman. Bu ajoyib jamoada ekanligimdan baxtliman. “Arsenal”ning tarixi buyuk. Londonda buyuk futbolchilar to‘p tepishgan. Masalan Tyerri Anri. U barcha hujumchilar uchun na’munadir. Anrida menga yoqadigan eng yaxshi hislat bu kamtarlik va ko‘p gollarni kirita bilish. U haqiqatdan ham har tomondan o‘rnak uchun na’muna. Unga o‘xshash uchun ko‘p ishlashim kerak va men bunga harakat qilaman.
Mening o‘yin uslubim? Tezkorman, Anri bilan o‘xshash taraflarimiz ko‘p. Lekin yana bir marta takrorlayman men juda ko‘p ishlashim kerak”, - deydi Obameyang.
