2018 yil 1 fevral kuni O‘zbekiston Futbol Assosiasiyasida O‘FA Prezidenti A.J.Ramatov boshchiligida yig‘ilish bo‘lib o‘tdi. Mazkur yig‘ilishda 2018 yil 25 yanvar sanasida bo‘lib o‘tgan navbatdan tashqari Konferensiyada bayon qilingan masalar atroflicha muhokama qilindi.
Yig‘ilishda tashkiliy masala ham ko‘rib chiqildi. Konferensiyada O‘FA vise-prezidenti lavozimiga tayinlangan Sherzod Toshmatov sportning boshqa sohasida o‘ta bandligi, unga ishonilgan yangi joyda ishlashi uchun vaqt yetishmasligi tufayli o‘z arizasiga binoan O‘FA vise-prezidenti lavozimidan ketdi. Uning o‘rniga O‘FA vise-prezidenti lavozimiga «O‘zbekiston temir yo‘llari» aksionerlik jamiyati boshqaruvi raisi maslahatchisi Sagdullayev Fazlitdin Fatxullayevich tayinlandi.
