Futzal bo‘yicha Osiyo chempionati “B” guruhi 1-turida O‘zbekiston terma jamoasi Janubiy Koreyaga qarshi bahs olib bordi va 13:2 hisobidagi yirik g‘alabani nishonladi. Uchrashuvdan keyin milliy terma jamoa bosh murabbiyi Bahodir Ahmedov o‘z fikrlari bilan o‘rtoqlashdi.

“Osiyo chempionatini muvaffaqiyatli boshlab olganimizdan mamnunman. Birinchi uchrashuv doim qiyinchilik tug‘diradi. Janubiy Koreyaga qarshi o‘yindan ko‘nglim to‘q, ammo baribir xatolar kuzatildi. Xatolar ustida ishlab, ularni bartaraf etishga harakat qilamiz.

Bugun har bir futbolchi yaxshi o‘ynadi va uning samarasi hisobda aks etdi. Tan olish kerak, Janubiy Koreya termasi biz o‘ylaganchalik kuchli bo‘lib chiqmadi, yigitlar ularga yetarlicha qarshilik ko‘rsata oldi.

Endi e’tiborni navbatdagi o‘yinlarga qataramiz. Ertadan yana mashg‘ulotlar o‘tkazib, Tojikiston bilan bellashuvga tayyorgarlik ko‘ramiz. Tojikiston – kuchli jamoa. Ular bejizga Osiyo chempionati final bosqichiga yo‘l olmagan. Yigitlar bu o‘yinni ham g‘alaba bilan yakunlashiga ishonaman”, – dedi Bahodir Ahmedov O‘FF matbuot xizmatiga.