"Liverpul" bosh murabbiyi Yurgen Klopp nima uchun "Barselona"ga o‘tib ketgan yarimhimoyachi Felipe Koutinyoning o‘rniga boshqa futbolchi sotib olinmaganini tushuntirdi.

"Albatta, biz kimnidir sotib olishimiz ham mumkin edi. Ammo qishda klub uchun katta xaraat talab qilinar edi. Yozda hammasi boshqacha bo‘ladi. Har qanday xarid vaziyatni o‘zgartirishi mumkin, degan fikrga qo‘shilmayman. Biz to‘g‘ri qarorga kelishimiz kerak.

Odamlar "buning jarohati bor, uni sotib oling, buni sotib oling" deb qichqirishadi. Ammo hozirgi vaziyat yangi futbolchiga ham, arohatdagi futbolchiga ham yomon ta’sir qilishi mumkin. Bunda ma’no yo‘q", - deydi Klopp.