«PSJ» hujumchisi Neymar yaqin orada «Real»ga o‘tishi mumkinligi haqidagi xabarlarni inkor qildi.

«Mening «PSJ»dagi yo‘lim endi boshlanmoqda. Klubdagi faoliyatimni bu darajada samarali boshlayman, deb o‘ylamagandim. Buncha gol urishimni kutmagandim.

Men «PSJ»ga kelib, jamoadoshlarimga har bir o‘yinda yordam berishni maqsad qilgandim. Bu men uchun eng muhimi.

Hozirda faoliyatimdagi eng yaxshi formadaman, lekin yanada yaxshiroq o‘ynashni va ko‘p gollar urishni istayman. Umid qilaman, barchasi yaxshi bo‘ladi.

Men jamoada ajralib turishga, barchadan ko‘proq gol urishga va golli uzatmalar berishga harakat qilmayman. Shunchaki o‘z o‘yinimni ko‘rsataman. Bor gap shu. Gollar urishni va samarali uzatmalar berishni istayman. Aynan shu sababli men «PSJ»ga o‘tdim: chiroyli o‘yin ko‘rsatish va gol urish uchun.

Safimizda Kavani, Mbappe, Di Mariya kabi futbolchilar borligi ajoyib. Bizga hujumkor o‘yin yoqadi. Biz xavfli vaziyatlar yaratish va gol urishni yaxshi ko‘ramiz. Bir-birimiz bilan futbol tilida gaplashamiz.

Jamoa boshidanoq ajoyib o‘yin ko‘rsata boshladi, lekin bir-birimizga moslashib olish uchun bizga vaqt kerak. Lekin biz to‘g‘ri yo‘ldan ketyapmiz», – dedi Neymar.