O‘zbekiston futbol Assosiasiyasi hamda O‘zbekiston Respublikasi Oliy va o‘rta maxsus ta’lim vazirligi ikki tomonlama hamkorlikni yanada rivojlantirish uchun o‘zaro memorandum imzoladi.

Memorandum doirasida tomonlar quyidagi yo‘nalishlarda hamkorlik qiladilar:

-Oliy ta’lim muassasalari talabalari, akademik liseylar o‘quvchilari  o‘rtasida ommaviy futbol musobaqalari, mini-futbol, ayollar o‘rtasida futbol va boshqa turdagi musobaqalarni yuqori saviyada tashkil etish va o‘tkazish;

-talabalar ligasining final final musobaqalarini mamlakatimizning Superliga a’zolari klublarining arenalarida o‘tkazish;

-Oliy ta’lim muassasalarining havaskor futbol klublariga amaliy ko‘mak ko‘rsatish;

-Mamlakatimizning nomdor futbol klublari o‘yinchilarini jalb qilgan holda futbol bo‘yicha ilmiy-tadqiqot ishlarini yo‘lga qo‘yish;

-futbol bilan havaskor tarzda shug‘ullanuvchi turli yoshdagi futbolchilar, Oliygoh murabbiylarining ta’lim salohiyatini oshirish maqsadida turli o‘quv-seminarlarini tashkil qilish, futbol hakamlari tayyorlash va ularni malakasini oshirish, ta’lim yo‘nalishida faoliyat olib borayotgan xodimlar  va futbol jamoatchiligi bilan birgalikda bayram hamda xotira tadbirlari, matbuot anjumanlari o‘tkazish.