Angliya premyer-ligasining 26-turi doirasida "Arsenal" klubi o‘z maydonida "Everton"ni qabul qilib, yirik hisobda g‘alaba qozondi.

Mazkur o‘yinda e’tiborga molik bir nechta holatlar kuzatildi. "Kanonirlar" yarim himoyachisi Aaron Remzi 3ta gol urishga muvaffaq bo‘ldi. Uelslik futbolchi hisobida ushbu mavsumda bu turga qadar 3ta gol bor edi.

"Arsenal" safida o‘zining debyut o‘yinida maydonga tushgan Genrix Mxitaryan 3ta golga assistentlik qilgan bo‘lsa, yana bir debyutant Pyer-Emerik Obameyang o‘z hisobiga bitta gol yozdi. Yakuniy hisob — 5:1.

Venger jamoasi o‘z ochkolarini 45taga  yetkazgan holda, jadvalda 5-o‘rinda bormoqda.

APL, 26-tur
Arsenal – Everton 5:1 (4:0, 1:1)
Gollar: 1:0 – 6 Remzi, 2:0 – 14 Kosyelni, 3:0 – 19 Remzi, 4:0 – 37 Obameyang, 4:1 – 64 Kelvert-Lyuin, 5:1 – 74 Remzi.
Arsenal – Chex (Ospina, 70), Kosyelni, Monreal (Kolashinas, 46), Belyerin, Mustafi, Remzi (Uilsher, 75), Djaka, Ozil, Mxitaryan, Ivobi, Obameyang.
Everton – Pikford, Uilyams, Mangalya, Martina, Kin (Devis, 46), Uolkott (Kelvert-Lyuin, 61), Shnayderlin, Bolazi, Guye, Kenni, Nyasse (Tosun, 78).
Ogohlantirishlar: Kosyelni (24), Mustafi (50).