Англия премьер-лигасининг 26-тури доирасида "Арсенал" клуби ўз майдонида "Эвертон"ни қабул қилиб, йирик ҳисобда ғалаба қозонди.

Мазкур ўйинда эътиборга молик бир нечта ҳолатлар кузатилди. "Канонирлар" ярим ҳимоячиси Аарон Рэмзи 3та гол уришга муваффақ бўлди. Уэльслик футболчи ҳисобида ушбу мавсумда бу турга қадар 3та гол бор эди.

"Арсенал" сафида ўзининг дебют ўйинида майдонга тушган Генрих Мхитарян 3та голга ассистентлик қилган бўлса, яна бир дебютант Пьер-Эмерик Обамеянг ўз ҳисобига битта гол ёзди. Якуний ҳисоб — 5:1.

Венгер жамоаси ўз очколарини 45тага  етказган ҳолда, жадвалда 5-ўринда бормоқда.

АПЛ, 26-тур
Арсенал – Эвертон 5:1 (4:0, 1:1)
Голлар: 1:0 – 6 Рэмзи, 2:0 – 14 Косьельни, 3:0 – 19 Рэмзи, 4:0 – 37 Обамеянг, 4:1 – 64 Кэлверт-Льюин, 5:1 – 74 Рэмзи.
Арсенал – Чех (Оспина, 70), Косьельни, Монреаль (Колашинац, 46), Бельерин, Мустафи, Рэмзи (Уилшер, 75), Джака, Озил, Мхитарян, Ивоби, Обамеянг.
Эвертон – Пикфорд, Уильямс, Мангаля, Мартина, Кин (Дэвис, 46), Уолкотт (Кэлверт-Льюин, 61), Шнайдерлин, Болази, Гуйе, Кенни, Ньяссе (Тосун, 78).
Огоҳлантиришлар: Косьельни (24), Мустафи (50).