"Manchester Yunayted"ning sobiq futbolchisi, hozirda Sky Sports eksperti Gari Nevill "Manchester Siti" bosh murabbiyi Xosep Gvardiolaning qaroriga munosabatini bildirdi.
Ispaniyalik mutaxassis APLning 26-turida "Byornli"ga qarshi uchrashuvda (1:1) jamoaning zaxira o‘rindig‘ida 7 futbolchi o‘rniga 6 futbolchini joylashtirdi. Gvardiola buni boshqa futbolchilari yo‘qligi bilan izohlagan.
"O‘ylashimcha, bu hazil bo‘lsa kerak, aniq hazil. "Siti"ning yoshlar amoasi murabbiyiga qo‘ng‘iroq qilib, undan nechta shogirdlari asosiy tarkibga tayyor yoki munosibligini so‘rang. Bu mavsumda kim yaxshi o‘ynadi va ko‘p ishladi. O‘rinbosarlar tarkibi kecha o‘ynagan bo‘lsa ham, ulardan birini zaxiraga qo‘ying. Yosh o‘yinchilarni safarga olib keting, premyer-ligada tajriba olsin.
Agar siz akdemiya yoki o‘rinbosarlar murabbiyi bo‘lsangiz, "men vaqtimni bekor o‘tkazyapman ekan" deyishingiz mumkin. Qancha pul sarflanganini unuting. Zaxira o‘rindig‘ida olti o‘yinchi... Bu norozilikka o‘xshaydi", - deydi Nevill.
